တီႇမူဝ်ႇၶရေႇၸီႇၼႆႉ လုၵ်ႉတီႈ ၽူႈပိၼ်ႇၽႃသႃ တႅမ်ႈဝႆႉသေ ၶိုၼ်းဢဝ်ႁဵတ်းပဵၼ်မႃး App ယဝ်ႉ။ ၵွပ်ႈဝူၼ်ႉႁၼ်ဝႃႈ ထိုင်ပၢၼ်ဢၼ်ႁဝ်း တေလႆႈလႅၵ်ႈၸႂ်ႉ Digital မႃးယဝ်ႉလႄႈ ယုမ်ႇယမ်ဝႃႈ တေမီးၽွၼ်းလီ တႃႇၵူႈၵေႃႉယူႇ။

ၼႂ်းဢႅပ်ႉၼႆႉ ၶဝ်ႈပႃးဝႆႉယူႇ တွၼ်ႈၵၢၼ်မိူင်း၊ ပိူင်တီႇမူဝ်ႇၶရေႇၸီႇ လႄႈ လၵ်းမၢႆလၢႆလၢႆတွၼ်ႈ၊ ၵွပ်ႈၼၼ် ၶႂ်ႈႁႂ်ႈ ၽူႈလူဢၢၼ်ႇႁဝ်းၶဝ် ဢၢၼ်ႇၸွမ်း ၶၵ်ႉတွၼ်ႈမၼ်းသေ ဝူၼ်ႉၸွမ်း ထတ်းသင်ၸွမ်းသေယဝ်ႉ တႅမ်ႈမၢႆဝႆႉပႃး တွၼ်ႈလႂ်တွၼ်ႈၼၼ်ႉ မၼ်းၶႂ်ႈလၢတ်ႈသင် ႁဝ်းသမ်ႉလႆႈတၢင်းႁူႉသင်ၼႆႉယဝ်ႉ။ ပေႃးယဝ်ႉ ယႃႇလိုမ်းဢဝ်မႃးၸႂ်ႉ ၼႂ်းၼႃႈၵၢၼ်ၸဝ်ႈၵဝ်ႇၼႃႈ သင်ဢမ်ႇၸႂ်ႉၸိုင် တေမိူၼ်တဵၵ်းၼမ်ႉထွၵ်ႇၼႂ်းသၢႆးၵူၺ်းယဝ်ႉ။